ОГЛАС за финансиска поддршка на здруженија и фондации
Владата на Република Македонија – Генерален секретаријат распишува Оглас за финансиска поддршка на здруженија и фондации за распределба на средствата од Буџетот на Република Македонија за 2017 година, во вкупен износ од 50.000.000,00 денари, кои ќе се користат за финансирање на програмските активности на здруженија и фондации, на следниот начин:
Тип 1: Грантови во висина од 1.845.000 денари до 3.075.000 денари, во вкупна висина од 36.900.000 денари во следниве приоритетни цели:
Опис на целите | |
I | Борба против корупцијата, владеење на правото, демократија, човекови права, добро владеење, социјална кохезија и локална самоуправа |
II | Проекти од областа на здравството и здравиот начин на живот |
III | Економски развој, одржлив развој, рурален развој, култура и традиции |
IV | Млади, семејство и семејни вредности |
V | Евроинтеграции |
VI | Област на нови технологии, социјални медии, нови медиуми и ИТ технологии |
Тип 2: Грантови во висина од 307.500 денари до 615.000 денари, во вкупна висина од 13.100.000 денари во следниве приоритетни цели:
Опис на целите | |
I | Зголемување на економскиот раст и на вработеностa, пораст на животниот стандард на граѓаните и подобар и поквалитетен живот |
II | Интеграција на Република Македонија во Европската Унија и НАТО |
III | Бескомпромисна борба против корупцијата и криминалот и ефикасно спроведување на правото |
IV | Инвестирање во образованието, иновациите и информатичката технологија како клучни елементи за креирање општество базирано на знаење |
Средствата ќе се доделуваат еднократно за 2017 година. Рокот за реализација на проектот е 12 месеци од денот на потпишувањето на договорот.
Рокот за поднесување на пријавите е најдоцна до 28.4.2017 година.
Пријавата со целокупната документација треба да се достави преку пошта, на адреса:
Влада на Република Македонија
Генерален секретаријат
Одделение за соработка со невладини организации
бул. “Илинден“ бр.2
1000 Скопје
Повеќе информации за повикот. на следниот ЛИНК.