Проект за локална и регионална конкурентност
Единицата за спроведување на проектот за локална и регионална конкурентност (ПЛРК) финансиран со грант од Европската унија, ги кани сите заинтересирани подносители да достават предлози за изразување на интерес за поддршка на клучни инвестиции во инфраструктурни и останати не-изфраструктурни активности поврзани со туризмот. Овие активности ќе придонесат за зголемување на привлечноста на клучните дестинации преку подобрување на понудата на производи и поврзување со локалните економии, опфаќајќи поголем дел од економските придобивки во дестинациите.
Целта на ПЛРК е да се зајакне придонесот на туризмот кон локалниот економски развој и подобрување на капацитетите на владата и јавните институции за да се поттикне развојот на туризмот и да се олесни управувањето со дестинациите. ПЛРК има за цел значително зголемување на атрактивноста на вклучените дестинации и, со тоа, зголемување на економската активност во овие дестинации и поддршка на растот и развојот на туристичкиот сектор на централно, регионално и локално ниво. Проектот ќе работи директно со јавни, непрофитабилни и приватни субјекти и е дизајниран да испорача финансиски, економски и социјални бенефиции на локалните заедници и приватниот сектор.
Овој повик за изразување на интерес повикува да се поднесат барања со кои ќе се исполнат јазовите утврдени во дестинациите и опишани во Плановите за развој на туризмот во следниве области кои се важни за развојот на туризмот:
- Подобрување на културата насочена кон услугите и квалитет на услугите;
- Јакнење на капацитетите на туристичките водичи и вештините на лиценцираните туристички водичи;
- Подобрување на културата на постапување и управување со отпад;
- Интернет маркетинг и комуникации;
- Патокази и попатни информции;
- Попатна инфраструктура за посетители
Рок за првата фаза:
1. Изразување на интерес – не подоцна од 18 април, 2017 година (вторник), 16:00 часот.
Рокови за втората фаза:
1. Датумот кога квалификуваните барателите треба да почнат да ги изготвуваат своите целосни предлози е 11 мај, 2017 година (четврток);
2. Целосниот предлог за инфраструктурни инвестиции треба да се поднесе до 24 јули, 2017 година (понеделник);
3. Целосниот предлог за организации од секторот туризам и образовни установи и центрите за обука треба да се поднесе до 10 јули, 2017 година (понеделник)
4. Целосниот предлог за локални микро и мали претпријатија треба да се поднесе до, 26 јуни, 2017 (понеделник).