Агенцијата за поддршка на претприемништвото на Република Македонија во месец јануари 2016 распиша продолжување на јавен повик за Избор на советници за претприемништво во Програмата на ваучерско советување. Јавниот повик е отворен од 21.01.2016 година до 22.11.2016 година.
Во тој период Агенцијата ќе врши прием на поднесените пријави, а отварањето ќе биде секој последен вторник од месецот, започнувајќи од месец февруари заклучно со месец ноември 2016 година. Пријавите треба да пристигнат до 15:00 часот еден ден пред отварањето. Пријавите кои ќе пристигнат по утврдениот рок ќе се земат предвид во следното отварање.

НАПОМЕНА: Ваучерскиот систем на советување претставува интегрален дел од Програмата за самовработување 2016, која е составен дел од Оперативниот план на Министерството за труд и социјална политика за реализација на за активни програми и мерки за вработување и услуги на пазарот на трудот за 2016 година. Во таа смисла, заради целосно покривање на територијата на РМ со советници за претприемништво, особено е потребно доставување на апликации за советници за изработка на деловен (бизнис) план.

Повеќе информации.