Фондот за иновации и технолошки развој ФИТР на 20.09.2022 година објави јавен повик за финансирање на истражувачки проекти во основните и средните училишта “Предизвик за млади истражувачи 5 – ЗЕЛЕНИ ПРОЕКТИ”.

Повикот се однесува на сите основни и средни училишта и за сите креативни ученички и ученици со желба да истражуваат во насока на зачувување и унапредување на животната средина.

Истражувачките проекти треба да бидат од областите на природните и техничките науки. Процесот на истражување треба да се основа на „научен метод“, односно да вклучува формулација, тестирање и потврда/модификација на хипотеза по пат на експеримент и набљудување. Резултатите од истражувачкиот проект треба да бидат применливи во зачувување и унапредување на животната средина и биoдиверзитетот.

Вкупниот буџет за овој предизвик изнесува 3.000.000 (три милиони) денари.

Ќе бидат доделени награди во две категории:

Категорија 1: Истражувачки проекти во основното образование

Категорија 2: Истражувачки проекти во средното образование

Буџетот на поединечен предлог проект може да биде минимум 100.000 (сто илјади) денари и не може да надминува 200.000 (двесте илјади) денари.Пријавувањето на Предизвикот за млади истражувачки и истражувачи трае до 02.11.2022 година заклучно со 14:00 часот.

Повеќе информации на следниот ЛИНК.