Општина Крушево
Општина Крушево се простира на југозападниот дел од Република Македонија. Во рамките на општината, градот Крушево има централна местоположба и претставува административен, економски и културен центар на општината. Тој се наоѓа на надморска височина од 1.250 м, со што претставува град со највисока надморска височина на Балканот. Општината Крушево е сместена во претежно ридско-планинско подрачје на надморска височина меѓу 600 и 1.800 метри. Општина Крушево е распространета на ридско-планиски дел, при што ридскиот дел зафаќа 44%, а планинскиот дел 56% од вкупната површина од 205 км².
Територијата на општината Крушево, која се простира на ридско-планинско подрачје и на северозападниот дел од Пелагониската котлина, се карактеризира со умерено-континентална клима, со изразито влијание на планинската клима, од запад и котлинската клима, од исток. Општината се карактеризира со добра инфраструктура која ги поврзува населените места, развиена мрежа на услужни дејности (болница, пошта, јавни услуги), постоење на добри сместувачки капацитети и хотел со 4 ѕвезди. Во општината со векови во хармонија живеат неколку различи етникуми кои создаваат диверзитет на култури и богата култура изразена преку специфична староградска архитектура, специфични обичаи, уникатни ракотворби и храна. Општината негува гостопримливост и туристички дух меѓу жителите кој до израз доаѓа во периодот на одржување на манифестациите: 10 дена Крушевска Република, Етно град.
Општината има и релативно долгата традиција во зимските спортови. Има кадар за зимски спортови, осветлени скијачки патеки, поседува нордиска патека за натпревари по меѓународни норми, опрема и машини за создавање вештачки снег, патеки за сноу борд.
Општина Крушево – Општи податоци
| ОПШТИНА КРУШЕВО ул. Никола Ѓурковиќ 16 а Крушево+389 048 477 061 +389 048 477 046[email protected] www.krusevo.gov.mk |
|
| Координати | * Географска ширина – 41о37’ N
* Географска должина – 21о25’ E |
| Површина | * 205 км2 |
| Повикувачки кодови | * Меѓународен код: ++ 389
* Национален код: 048 * Поштенски код: 7550 |
| Популација | * 9.684 жители (Попис 2002)
* 9.255 жители (Проценето според Државен завод за статистика, заклучно со 31.12.2019) |
| Полова структура | * Жени – 49,2%
* Мажи – 50,8% |
| Број на невработени лица (АВРМ, август 2016 ) | * 1.049 |
| Основни училишта | * ООУ „Никола Карев“
* ОУ „Св. Кирил и Методиј“ – с. Бучин |
| Средни училишта | * СОУ „Наум Наумовски – Борче“ |
| Постоечки банки (филијали) | * Стопанска банка АД Скопје
* УНИ банка АД Скопје |
| Осигурителни компании | *АД за осигурување Винер – Виена Иншуренс Груп
* Кроациа Осигурување – Живот АД * АД Осигурителна полиса * Триглав осигурување АД Скопје |
| Број на активни деловни субјекти | * 204 (Државен завод за статистика, заклучно со 31.12.2019) |
| Приоритетни сектори / индустрии во општината | * Туризам
* Угостителство * Текстилна индустрија * Дрвна индустрија * Земјоделие |
| Расположливи ресурси во општината | * Земјоделие: производство на индустриски и земјоделски производи на 871 ха (тутун, кромид, пиперка)
* Туризам: · 220 легла – хотеслки капацитети · 560 категоризирани легла – приватно сместување · 150 легла – манастирски комплекси · 670 – седишта во угостителски објекти * Инфраструктура: 45 км регионални и локалани патишта, водовод во сите населени места * Природни богатства: · Кварц – со чистота од 97% – 98% во реоните на селата Саждево, Јакреново и Селце. · Боксит – со чистота од 28% во реонот на селата Пуста Река, Горно Дивјаци, Долно Дивјаци и Арилево. · Волфрам во количини доволни за експлоатација во реонот на селата Пуста Река, Горно Дивјаци, Долно Дивјаци и Арилево. |
| Контакт за потенцијални инвеститори | * Томе Христоски Градоначалник на општина Крушево Тел.: 048-477-061 E-mail: [email protected] Татјана Хасану e-mail: [email protected] |
Општина Крушево – Сообраќајни врски
| СООБРАЌАЈНИ ВРСКИ | |
| Регионални патни правци | · Прилеп – Криводаштани – Сладуево
· Прилеп – Кривогаштани – Пуста Река |
| Оддалеченост од аеродроми: | · Александар Велики (Скопје) – 155 км
· Св. Апостол Пале (Охрид) – 125 км · Аеродром Македонија (Солун, Грција) – 220 км |
| Оддалеченост од пристаништа: | · Пристаниште во Бургас, Бугарија – 762 км
· Пристаниште во Солун, Грција – 220 км · Пристаниште во Драч, Албанија – 291 км · Пристаниште Бар, Црна Гора – 474 км |
| Оддалеченост од железница: | · Железничка Станица Скопје – 167 км
· Железничка Станица Софија – 363 км · Железничка Станица Солун – 220 км |
| Оддалеченост од главни градови: | · Скопје – 167 км
· Софија – 363 км · Белград – 505 км · Подгорица – 424 км · Приштина – 239 км · Атина – 615 км · Тирана – 249 км |
| Оддалеченост од гранични премини: | · Бугарија – 229 км
· Србија – 164 км · Грција – 72 км · Косово – 182 км · Албанија – 110 км |
Инвестирање во општина Крушево
Општина Крушево на потенцијалните инвеститори им ја става на располагање Индустриската зона „Опаленик“. Индустриската зона „Опаленик“ се наоѓа во местото Опаленик, КО Алданци. Индустриската зона е лоцирана на патот Прилеп – Крушево на 8 км пред влезот на градот. Зоната, со вкупна површина од 12,6 хектари е во целосна сопственост на државата. Зоната има 2 слободни парцели наменети за лесна и незагадувачка индустрија. Во близина на индустриската зона воспоставени се компаниите Еуро Профил, Еко Шар, Инен Декор, дооел Борче. Исто така, во процес е и отварање на нова Туристичка развојна зона, со површина од 35 ха, при што деталниот урбанистички план уште не е донесен.
Процент на изграденост: 42.62 % од страна на СЕКЕ фабрика за откуп и преработка на тутун
Во фаза на подготовка за градба: 23,11 %
Сопственост: 100% државна, на слободни парцели
Инфраструктура во зоната: делумна линиска инфраструктура
Претпријатија кои работат во близина на индустриската зона: Еуро Профил (производство на електрична опрема), Еко Шар ( производство на млеко и млечни производи), Инен Декор (производство на градежна столарија од дрво), дооел Борче (фабрика за производство на дрвена столарија).
Закуп/продажба: Продажба
Почетна цена на земјиште во сопственост: 61,00 ден./м2
| Индустриската зона „Опаленик“ | |
| Вкупна површина | 12,6 хектари (126.000 m2) |
| Оддалеченост од центарот на општината | 8 км |
| Сопственост | 100 % државна сопственост |
| Расположлива инфраструктура | Делумна линиска инфраструктура |
| Намена на слободни локации за градба | Г2 – лесна и незагадувачка индустрија |
| Почетна цена на земјиште во сопственост | 61,00 ден./м2 |